Program 50.-og Križevačkog velikog Spravišča

Cukrene pajdašice i preštimani pajdaši, dobrodošli u Križevce od 9. do 11. lipnja!

Budite naši dragi gosti na jubilarnom 50. Križevečkom velikom Spravišču.

Kak vam je znano, to je naša najstarejša turistička, kulturna i gospodarska priredba z kojom preštimavamo starinske šege i navade kaj smo ih herbali od naših praprapradedova. Još od kad su ovu našu lepu domaju branili od sakojakih hahara i Tatara. Prešli su tud kriš-kraš i kraljevi i banovi, črne kraljice i coprnice, junaki, domovine sinci i braniteli, ali i fakini sake fele. A mi smo navek kak i naši Križevci. Još živiju križevečki štatuti. Još se pri nami pije bilikum za dobrodošlicu i nazdravljuje Domovini, Pajdašiji i Pajdašicama. Gizdavi smo kaj je još pred 765 let Gornji varoš zlatnom bulom kralja Bele proglašen slobodnim kraljevskim gradom kak i zagrebački Grič i Gradec. A prije 265 let cesarica i kraljica Marija Terezija sjedinila je dva grada u jedan, u Križevce, našu prelepu varoš križevečkih štatutov, prvih pisanih regula ponašanja u veselim društvima. 

Starim pajdašima i prelublenim pajdašicama kak i pridošlicama otpiramo srčeka, kak se to od navek šika i patri kaj bi doživeli kak su se to negda pri nami veselili križevečki purgeri i kalnički šlivari.

Na spelancijama bumo digli kupice i zapopevali skup s kantušministrom, s varoškim sucom, kalničkim kaštelanom, notarijušom, oberfiškušom i fiškušima. Ak bu gdo morti štel zbantuvati veselu pajdašiju imel bu posla vunbacitel, nu ufamo se da se to ne bu pripetilo. 

Program možete preuzeti OVDJE i OVDJE.